سم الله الرحمن الرحيم
النهارده 30_7_2010
بنفتتح قهوه ايامي
أنا طبعاً اللى هقص الشريط
والقهوه تشمل مطعم على اعلى مستوى
ده فى الدور الارضى بس كبير محدش يقلق
وفى الدور التانى مقهى متحكيش بقى
مشاريب ساقع وسخن لوز بجد
والناس اللى بتدخن انا عامل حسابهم
معسل وفواكه بقى بأنواعه
وأصحاب المزاج العالى انا بعتذر لهم
كان نفسى أخدهم بس معلشى اصل الحكومه كل شويه
بتيجى هنا فأصبروا أصاحب أمين شرطه بس
وبعد كدا هظبتكم
فى خدمه موجوده خمس نجوم
سفروت وسفروته بتخدم عليكم
وليكم ما عندى اختار ليكم كل شويه عضو او عضوه تقدم ليكم المشاريب
القهوه دى انا عملتها علشان ناكل ونشرب
والنهارده بس الآكل والمشاريب ببلاش
علشان الافتتاح
والاهم من كدا بقى
عايز كل واحد يدخل يقول اى حاجه فى نفسه
او موقف حصل له النهارده
مبسوط او زعلان علشان حاجه حصلت
معاه فى البيت او فى الشعل او فى الشارع بشرط يقولنا ايه اللى حصل
بصراحه يعنى يعتبر نفسه قاعد على مصطبه
وكل شويه هنتكلم فى مواضيع بالبلدى كدا
علشان محدش يمل
يا تري مين اول زبون
